عجیب خبریں
خلاصہ
- ٹوکیو: (دنیا نیوز) کیا آپ ذہنی سکون کے لیے تابوت کے اندر لیٹنا پسند کریں گے؟ ویسے تو بیشتر افراد کا جواب نہیں ہوگا، مگر جاپان میں متعدد افراد ایسا بہت شوق سے کرتے ہیں، جاپان کے علاقے Chiba Prefecture میں ایک میت گھر میں کچھ عرصے قبل ایسا مذاق کے طور پر شروع کیا گیا مگر اب یہ سکون کے متلاشی افراد میں مقبول ہوگیا ہے۔
تابوت کے اندر لیٹنا یا مراقبہ کرنا بظاہر لوگوں کو اچھا لگتا ہے، اس رجحان کو اس وقت مقبولیت حاصل ہوئی ہے جب جاپانی نوجوانوں میں خودکشیوں کی شرح میں ریکارڈ اضافہ ہوا ہے اور اسی لیے ذہنی صحت کے حوالے سے تخلیقی منصوبوں پر کام کیا جا رہا ہے۔
تابوت میں آرام کرنے کی سروس فراہم کرنے والے ادارے کے مطابق یہ ایک طرح سے مراقبہ کرنا ہے جہاں لوگ تنہا رہ کر اپنے اعصاب کو پرسکون بنا سکتے ہیں۔
اب تو یہ رجحان اتنا مقبول ہوگیا ہے کہ اب مختلف شخصیات کے مطابق مختف اقسام کے تابوت دستیاب ہیں، یعنی اگر سادہ لکڑی کا تابوت اعصابی نظام کو پرسکون نہ کرسکے تو آپ کیوٹ تابوت بھی تلاش کرسکتے ہیں۔
یہ رنگا رنگ تابوت ایک جاپانی کمپنی نے تیار کیے ہیں جن کا مقصد مراقبے کا تجزبہ تابوت کے اندر فراہم کرنا ہے، ان کے اندر لوگ 13 ڈالرز ادا کرکے 30 منٹ تک آرام کرسکتے ہیں۔
