ماسکو: (ویب ڈیسک) سائیبیریا میں ڈیم ٹوٹنے وجہ سےسونے کی کان میں کام کرنے والے 15 مزدور زندگی کی بازی ہار گئے۔
برطانوی خبر رساں ادارے رائٹرز کے مطابق واقعہ آج سائبیرین شہر کراسنویارسک سے 160 کلومیٹر کے فاصلے پر پیش آیا۔اس واقعہ میں 15 افراد زندگی کی بازی ہار گئے ہیں۔
خبر رساں ادارے کے مطابق اس واقعہ میں چودہ کے قریب افراد زخمی ہوئے ہیں، جبکہ ایک درجن سے زائد کان کن تاحال لاپتہ ہیں۔ مقامی میڈیا نے بتایا ہے کہ تیز بارشيں، ڈيم گرنے کی وجہ بنيں۔
روسی صدر ولادیمیر پیوٹن نے واقعے کا فوری نوٹس لیتے ہوئے احکامات جاری کیے ہیں کہ امدادی کارروائیوں جلد سے جلد شروع کی جائیں، اس سانحے میں متاثر ہونے والوں کی جلد سے جلد مدد کی جائے۔
روسی صدر کے ترجمان دیمتری پیسکووو کے مطابق صدر کی جانب سے ملنے والی ہدایات کے بعد فوری طور پر کارروائیاں شروع کردی گئی ہیں، جس جگہ حادثہ ہوا اس کے قریبی علاقے کو شہریوں سے خالی کرا لیا گیا ہے۔
