تازہ ترین
  • بریکنگ :- طالبان سےبات کررہےہیں دیگر گروپس کوبھی حکومت میں شامل کریں،فوادچودھری
  • بریکنگ :- پاکستان افغانستان میں استحکام چاہتاہے،فوادچودھری
  • بریکنگ :- افغان حکومت کوتسلیم کرنےسےمتعلق خطےکےممالک کوساتھ لےکرچل رہےہیں،فوادچودھری
  • بریکنگ :- ڈالرکی افغانستان اسمگلنگ کےباعث روپےکی قدرمیں کمی آئی،فوادچودھری
  • بریکنگ :- رواں سال گندم اورگنےکی ریکارڈ پیداوار ہوئی ہے،فوادچودھری
  • بریکنگ :- کوروناکےباعث دنیابھرمیں اشیائےضروریہ کی قیمتوں میں اضافہ ہوا،فوادچودھری
  • بریکنگ :- زراعت کےشعبےمیں ملکی معیشت میں 1100ارب کااضافہ کیاگیا،فوادچودھری
  • بریکنگ :- ٹیکسٹائل کی صنعت کوبھی فروغ حاصل ہورہاہے،فوادچودھری
  • بریکنگ :- تعمیرات کےشعبےمیں بھی ریکارڈ سرمایہ کاری آرہی ہے،فوادچودھری
  • بریکنگ :- پڑوسی ممالک کےساتھ مل کرافغان حکومت کوتسلیم کیاجائےگا،فوادچودھری
  • بریکنگ :- افغانستان میں امن کیلئےہماری کوششیں جاری ہیں،فوادچودھری
  • بریکنگ :- افغانستان کی صور تحال کااثربراہ راست پاکستان پرہوتاہے،فوادچودھری
  • بریکنگ :- مودی اوران کی جماعت کی وجہ سےحالات میں بہتری نہیں آرہی،فوادچودھری
  • بریکنگ :- پاک بھارت میچ کیلئےبہت پرجوش ہیں،فوادچودھری
  • بریکنگ :- دلی میں آج جلسہ کریں تومودی سے بڑاجلسہ ہوگا ،فوادچودھری

’مودی بھارت کو تباہی کے دہانے پر لے آئے‘: آسٹریلوی اخبار میں مضمون

Published On 27 April,2021 04:56 pm

کینبرا: (ویب ڈیسک) آسٹریلیا کے معروف روزنامے 'دی آسٹریلین' نے بھارت میں کورونا وائرس کی موجودہ صورت حال کے حوالے سے مضمون (مودی بھارت کو تباہی کے دہانے پر لے آئے) شائع کیا ہے جس پر بھارتی حکام سیخ پا ہو گئے ہیں۔

غیر ملکی میڈیا کے مطابق مضمون کو  دی آسٹریلین  نے ’مودی بھارت کو تباہی کے دہانے پر لے آئے‘ کی تبدیل شدہ سرخی کے ساتھ اپنے اخبار میں دوبارہ شائع کیا تھا اور اسی پر بھارت کو شدید اعتراض ہے۔ یہ مضمون آن لائن بھی دستیاب ہے جس میں بھارت میں کورونا کے موجودہ بحران پر تفصیل سے روشنی ڈالی گئی ہے اور دلائل کے ساتھ بتانے کی کوشش کی گئی کہ کس طرح مودی حکومت کی ناکام پالیسیوں کے وجہ سے اس طرح کا شدید بحران پیدا ہو گيا۔

اس کے مطابق ایک ایسے وقت جب بھارت میں کورونا وائرس کے انفیکشن میں تیزی سے اضافہ ہو رہا تھا تو خود وزیر اعظم مودی اور ان کے سینیئر وزراء ایسی بڑی انتخابی ریلیاں کرنے میں مصروف تھے جس میں بغیر کسی ضابطے کے لاکھوں لوگ شرک ہوتے رہے۔

ماہرین نے بار ہا تنبیہ کی اس کے باوجود ہندوؤں کے مذہبی تہوار کمبھ جیسے میلے کی اجازت دی گئی جس میں لاکھوں لوگ ایک ساتھ جمع ہوتے رہے اور اس سب کے درمیان حکومت نے آکسیجن کی کمی اور ہسپتالوں کی صورت حال پر قطعی توجہ نہیں دی۔

اخبار نے لکھا کہ خود پرستی کا نشہ، قوم پرست سیاست، صحت کا بد ترین نظام، ویکسین کا سست رو عمل اور قابو پانے کے لیے بندشوں کے بجائے معیشت کو فروغ دینے کے خمار جیسی پالیسیوں نے بھی جلتی پر تیل کا کام کیا۔

مضمون کا ٹیزر کچھ یوں ہے، متکبر، انتہائی درجے کی قوم پرستی اور بیوروکریٹک نااہلی نے مل کر بھارت میں اتنی بڑی سطح کا بحران پیدا کیا ہے، جس میں ہجوم سے پیار کرنے والا وزیر اعظم شیخی بگھار رہا ہے جبکہ عام شہریوں کا دم گھٹ رہا ہے۔ یہ کہانی اسی پر ہے کہ آخر یہ سب اتنے خوفناک طریقے سے غلط کیسے ہوا۔

آسٹریلیا میں بھارتی سفیر نے روزنامہ  دی آسٹریلین  کی اس رپورٹ کو بے بنیاد، بہتان آمیز اور بدنیتی پر مبنی قرار دیتے ہوئے اس پر شدید نکتہ چینی کی ہے۔