ماسکو:(دنیا نیوز) روسی وزارت دفاع نے یوکرین کے ایک اور Su-25 لڑاکا طیارہ مار گرانے کا دعویٰ کردیا ہے۔
روسی حکام کے مطابق یوکرین کے علاقے میکولائیو میں روسی حملے کے دوران یوکرین کا طیارہ مار گرایا گیا، حملے میں ایک ریڈار اسٹیشن اور دو اسلحہ ڈپو بھی تباہ کردیے گئے۔
دوسری جانب یوکرین میں گرفتار دو روسی فوجیوں کو جنگی جرائم کے الزامات پر سزائیں سنا دی گئیں، دونوں اہلکاروں پر رہائشی علاقے پر فائرنگ کی الزام تھا، عدالت نے روسی اہلکاروں کو ساڑھے گیارہ برس قید کی سزا سنا دی۔
