ماسکو: (دنیا نیوز) چین کے بعد روس نے بھی افغانستان اور پاکستان کشیدگی پر تشویش کا اظہار کر دیا۔
روسی وزرات خارجہ کا کہنا ہے کہ افغانستان پاکستان سرحد پر ہونے جھڑپوں پر تشویش ہے، کابل اور اسلام آباد نے تصادم کی نوعیت کے بارے مختلف مؤقف پیش کیے ہیں۔
دونوں جانب سے فضائی حملوں اور فائرنگ کے تبادلے کی اطلاعات موصول ہوئی ہیں، دونوں ممالک کے فوجی اہلکاروں کے جانی نقصان کی خبریں موصول ہوئی ہیں۔
روسی وزرات خارجہ کے مطابق اب صورتحال بتدریج استحکام کی طرف بڑھ رہی ہے، استحکام کی طرف پیش رفت کا خیرمقدم کرتے ہیں۔
ترجمان روسی وزارت خارجہ کا کہنا ہے کہ کابل اور اسلام آباد سے تحمل و برداشت کا مظاہرہ کرنے کی اپیل کرتے ہیں، معاملات کو سیاسی و سفارتی ذرائع سے حل کرنے کی اپیل کرتے ہیں۔
روسی وزارت خارجہ کا کہنا ہے کہ امید ہے افغانستان اور پاکستان کے درمیان انسدادِ دہشت گردی اور علاقائی سلامتی سے متعلق معاملات پر تعمیری مکالمہ جلد بحال ہوگا۔
