واشنگٹن: (دنیا نیوز) امریکی نمائندہ خصوصی برائے مشرق وسطیٰ سٹیو وٹکوف نے کہا ہے کہ آج ایک اور ملک ابراہم معاہدے میں شامل ہونے جا رہا ہے۔
آج ایک اور ملک ابراہم معاہدے میں شامل ہونے جا رہا ہے: اسٹیو وٹکوف اسرائیل اور مسلم اکثریتی ممالک کے درمیان تعلقات کو معمول پر لایا جا رہا ہے، ابراہم معاہدہ اسرائیل اور مسلم ممالک کے درمیان تعلقات کے قیام سے متعلق ہے۔
انہوں نے کہا کہ یہ ابراہم معاہدہ ٹرمپ کے پہلے دورِ صدارت میں طے پایا تھا، تاہم وٹکوف نے یہ نہیں بتایا کہ وہ کون سا ملک ہوگا جو ابراہم معاہدے کا حصہ بننے جا رہا ہے۔
دوسری جانب امریکی نیوز ویب سائٹ ایگزیوس کا کہنا ہے کہ قازقستان کے صدر قاسم جومارت توقایف جمعرات کو صدر ڈونلڈ ٹرمپ کے ساتھ ملاقات کے دوران باضابطہ طور پر اعلان کریں گے کہ ان کا ملک ابراہم معاہدے میں شامل ہو رہا ہے۔
