استنبول: (دنیا نیوز) ترک صدر رجب طیب اردوان نے کہا ہے کہ اسرائیل کی اشتعال انگیزی کے باوجود حماس جنگ بندی پر قائم ہے۔
اپنے ایک بیان میں ترک صدر رجب طیب اردوان نے کہا کہ اسرائیل بہانے بنا کر غزہ میں جنگ بندی کی خلاف ورزیاں کر رہا ہے، غزہ میں تعلیمی ادارے تباہ، طلبہ اور اساتذہ شہید کر دیے گئے۔
طیب اردوان کا مزید کہنا تھا کہ غزہ میں ہزاروں فلسطینیوں کو شہید کر دیا گیا، 2 سال تک نام نہاد مہذب دنیا فلسطینیوں کی نسل کشی دیکھتی رہی، ہم فلسطین کے مسئلے پر خاموشی اختیار نہیں کریں گے۔
