طائف: (ویب ڈیسک) موشی چوری کرنے کے الزام میں سعودیہ میں 13 پاکستانی گرفتار کر لئے گئے۔
سعودی میڈیا کے مطابق طائف شہر کے مضافاتی علاقوں میں بھیڑوں کی چوری کے واقعات میں اضافے سے پریشان علاقہ مکینوں نے تھانے میں شکایتیں درج کرائی تھیں جس پر سعودی پولیس نے چوروں کی گرفتاری کے لئے ایک سپیشل ٹیم تشکیل دی جس نے مخبری، ریکی اور تحقیقات کا جال بچھایا۔
میڈیا رپورٹ کے مطابق مختلف سکیورٹی فورسز کے مشترکہ آپریشن کے نتیجے میں بالآخر پولیس ملزمان تک پہنچنے میں کامیاب ہوگئی، سعودی پولیس نے بتایا کہ ٹھوس شواہد کی روشنی میں جن 13 ملزموں کو حراست میں لیا گیا ہے ان سب کا تعلق پاکستان سے ہے۔
پولیس کا کہنا ہے کہ ملزمان کے پاسپورٹ ضبط کرلئے ہیں اور عدالتی کارروائی کا آغاز بھی کردیا گیا ہے۔
خیال رہے کہ سعودی عرب میں چوری کو سنگین جرم تصور کیا جاتا ہے اور سخت سزا رائج ہے جس میں ہاتھ کاٹنا بھی شامل ہے۔
