طلب اور رسد کا فرق بے قابو، بے لگام ڈالر نے ملکی تاریخ کے تمام ریکارڈ توڑ ڈالے، 111 روپے کی سطح کو بھی عبور کر گیا، غیرملکی قرضوں کا بوجھ تقریباً 400 روپے بڑھ گیا، ریٹ کا تعین مارکیٹ خود کرے گی، سٹیٹ بینک کا مؤقف۔
کراچی: (دنیا نیوز) ڈالر بے قابو ہو گیا۔ گزشتہ 3 روز کے دوران ڈالر نے تمام حدیں پار کر لیں۔ 105 روپے 50 پیسے میں ٹریڈ ہونے والا ڈالر دوران ٹریڈنگ تاریخ کی بلند ترین سطح 111 روپے کو بھی عبور کر گیا۔ ڈالر کی قدر میں اضافے سے مہنگائی کی شرح میں اضافے کا خدشہ ہے۔
یہ بھی پڑھیں: ڈالر کا انٹر بینک ریٹ 4 سال کی بلندترین سطح پر، 108 روپے 41 پیسے کا ہو گیا
بینکنگ ذرائع کے مطابق، امپورٹرز ڈالر کی خریداری میں مزید تیزی دکھا رہے ہیں جبکہ ایکسپورٹرز ڈالر کی قدر میں اضافے کی توقعات کے سبب اس کی فروخت سے انکار کر رہے ہیں۔ یہی وجہ ہے کہ طلب اور رسد کا فرق بڑھ جانے سے ڈالر مزید مہنگا ہو رہا ہے۔
یہ بھی پڑھیں: روپے اور ڈالر کی جنگ: کیا اچھا، کیا برا؟
