رواں مالی سال کی پہلی ششماہی میں تجارتی خسارے میں 30.58 فیصد کمی

رواں مالی سال کی پہلی ششماہی میں تجارتی خسارے میں 30.58 فیصد کمی

وزارت تجارت کی جانب سے جاری اعدادوشمار کے مطابق جولائی تا دسمبر تجارتی خسارہ 11 ارب 64 کروڑ 20 لاکھ ڈالرز رہا۔ گزشتہ سال اسی عرصے میں تجارتی خسارہ 16 ارب 77 کروڑ 10لاکھ ڈالرز تھا۔

جولائی تا دسمبر برآمدات 11 ارب 54 کروڑ ڈالرز رہیں۔ گزشتہ سال اسی عرصے میں برآمدات کا حجم 11 ارب 18 کروڑ 10 لاکھ ڈالرز تھا۔ جولائی تا دسمبر درآمدات 23 ارب 18 کروڑ 20 لاکھ ڈالرز رہیں جبکہ جولائی تا دسمبر 2018ء درآمدات کا حجم 27 ارب 95 کروڑ 20 لاکھ ڈالرز تھا۔