خیبر ایجنسی میں نامعلوم افراد نے پولیو مہم پر معمور ہسپتال ملازم کو گھر سے اغواء کر کے قتل کر دیا۔ انتظامیہ نے پندرہ مشتبہ افراد کو گرفتار کرکے بارہ موٹرسائیکل قبضے میں لے لئے۔
خیبر ایجنسی: (دنیا نیوز) واقعہ خیبر ایجنسی کے علاقے جمرود غنڈی میں پیش آیا۔ پولیس نے واقعے کا مقدمہ نامعلوم افراد کے خلاف درج کر لیا ہے۔ قتل ہونیوالے جمرود ہسپتال ملازم کو گھر سے کچھ افراد ہمراہ لے گئے اور آدھے گھنٹے بعد اسے قتل کیا گیا جاں بحق ہونیوالے ملازم کی لاش ورثاء کے حوالے کر دی گئی ہے۔ دوسری جانب اسسٹنٹ پولیٹیکل ایجنٹ جمرود جہانگیر اعظم وزیر کا کہنا ہے کہ معاملہ ذاتی دشمنی کا شاخسانہ معلوم ہوتا ہے۔