محکمہ داخلہ پنجاب نے صوبے بھر میں دفعہ 144 نافذ کر دی ہے جس کا اطلاق 18 اگست تک ہوگا۔
لاہور: (دنیا نیوز) پنجاب بھر میں دفعہ 144 کے نفاذ کے بعد کسی بھی مقام پر چار یا چار سے زائد افراد کے اجتماع پر پابندی ہوگی تاہم متعلقہ ضلعی انتظامیہ سے اجازت لینے والے پابندی سے مستثثنیٰ ہونگے۔ اسلحہ رکھنے یا لے کر چلنے، کیل لگے ڈنڈے، پٹرول بم اور تشدد میں استعمال ہونے والی اشیاء لے کر چلنے پر بھی پابندی ہوگی۔ پولیس کی جانب سے ٹریفک کی روانی کے اقدامات میں رکاوٹ ڈالنے کی کوشش پر بھی کارروائی ہوگی۔ اشتعال انگیز تقاریر بھی ممنوع قرار دی گئی ہیں۔ سیاسی رہنما، خواتین اور بچوں کو بھی ڈھال کے طور پر استعمال نہیں کر سکیں گے۔
