قانون کے محافظوں کے سامنے دیدہ دلیری سے گاڑیوں کی توڑپھوڑ کرنے والا گلو بٹ اب بوکھلاہٹ کا شکار ہے ، کبھی کہتا ہے گاڑیوں کے شیشے نہیں توڑے اور کبھی کہتا ہے صرف2 گاڑیوں کے شیشے توڑے ۔ دوسری جانب گلو کے وکیل بھی اسے سزا سے بچانے کے لیے اپنا کردار جاری رکھے ہوئے ہیں ، ان کا کہنا ہے جو ڈنڈا پولیس نےعدالت میں پیش کیا وہ گلو کا نہیں ہے اور نہ ہی پولیس نے اس ڈنڈے کو فرانزک لیب میں بھجوایا ۔ عدالت کے روبرو تفتیشی افسر نے بیان قلمبند کروا دیا جس کے بعد مزید گواہان کو 28 اکتوبر کو طلب کر لیا گیا۔