راولپنڈی (دنیا نیوز)محرم الحرام کے حوالے سے کمشنر آفس راولپنڈی میں اہم سیکورٹی اجلاس ، ڈویژن کے تمام شہروں کے داخلی راستوں پر چیک پوسٹیں قائم کرنے کیساتھ 36 علما ء کے داخلے پر پابندی عائد کر دی گئی ہے۔
کمشنر آفس راولپنڈی میں ہونے والے اجلاس میں آر پی او راولپنڈی ، کمشنر ، ڈی سی او اور چاروں اضلاع راولپنڈی، اٹک، جہلم، چکوال کے ڈی پی اوز نے شرکت کی۔
اجلاس میں محرم الحرام کے لئے سیکورٹی انتظامات کا جائزہ لیا گیا ، سیکورٹی صورتحال ، نفری کی تعداد اور دیگر اقدامات کے حوالے بات چیت کی گئی۔
اجلاس میں فیصلہ کیا گیا کہ راولپنڈی ڈویژن کے شہروں کے داخلی راستوں پر چیک پوسٹیں بنائی جائیں گی ، محرم کے دنوں میں 36علما ء کے داخلے پر بھی پابندی بھی لگا دی گئی ہے۔
