سپریم کورٹ میں تارکینِ وطن ووٹ کے حق سے متعلق کیس کی سماعت کے موقع پر سیکرٹری الیکشن کمیشن نے بتایا کہ تھرڈ پارٹی جائزے کے مطابق تارکینِ وطن کے لیے ای ووٹنگ منصوبے پر کام نہیں ہو سکتا، لہذا حالیہ عام انتخابات میں ووٹ نہیں ڈال سکیں گے۔ آن لائن سسٹم پر مزید کام کرنے کی ضرورت ہے۔

چیف جسٹس نے کہا کہ میری کوشش تھی کہ تارکینِ وطن کو یہ سہولت مل جائے لیکن اب ایسا ممکن نہیں ہے۔ ٹاسک فورس کی رپورٹ کو پبلک کیا جائے۔ کیس کی سماعت غیر معینہ مدت کے لیے ملتوی کر دی گئی۔