لاہور: (دنیا نیوز) تحریک انصاف نے این اے 124 سے پیپلزپارٹی وکٹ گرا دی، پیپلزپارٹی کے امیدوار چوہدری ظہیر احمد تحریک انصاف کے امیدوار نعمان قیصر کے حق میں دستبردار اور تحریک انصاف میں شمولیت کا اعلان کر دیا۔
پریس کانفرنس سے خطاب کرتے ہوئے سابق گورنر پنجاب چوہدری سرور کا کہنا تھا کہ پیپلزپارٹی اور ن لیگ سے تعلق رکھنے والے لوگوں کی کثیر تعداد تحریک انصاف میں شمولیت اختیار کر رہی ہے۔
تحریک انصاف کے شفقت محمود نے ن لیگ پر شدید تنقید کرتے ہوئے کہا کہ ن لیگ عمران خاں کی کردار کشی کر رہی ہے، ساری عمر دھاندلی کرنے والے آج دھاندلی کی باتیں کر رہے ہیں۔ تحریک انصاف کے رہنماؤں نے الیکشن مہم میں نازیبا الفاظ استعمال کرنے کی شدید مزمت کی اور کہا کہ رواداری برقرار رکھنی چاہیے، نازیبا الفاظ کوئی بھی ادا کرے اس کی مذمت کرتے ہیں ایسا نہیں ہونا چاہیے۔
