لاہور: (ویب ڈیسک) ن لیگ کے صدر شہباز شریف نے صبح سویرے ٹویٹر پیغام میں کہا ہے کہ آج کا دن تمام پاکستانیوں کے لیے مبارک دن ہو، انھوں نے پاکستانی عوام کو مخاطب کرتے ہوئے کہا ہے کہ ''آج آپ کا ووٹ پاکستان کی مثبت سمت کا تعین کرے گا''۔
میاں شہباز شریف نے اپنی ٹویٹ کا آغاز کچھ ایسے کیا " صبح بخیر پاکستان ، اللہ کرے آج کا دن خیرو عافیت اور امن و امان سے گزرے"۔ اس کے بعد وہ عوام کو ن لیگ کو ووٹ ڈالنے کیلئے یوں قائل کرنے کی کوشش کرتے نظر آئے"آج آپ کا ووٹ پاکستان کی مثبت سمت کا تعین کرے گا، آج کا دن تمام پاکستانیوں کے لیے مبارک دن ہو اور وطن عزیز کی ترقی اور خوشحالی کا ضامن ہو"۔
صبح بخیر پاکستان ۔۔۔ اللہ کرے آج کا دن خیرو عافیت اور امن و امان سے گزرے ۔۔۔ آج کا دن تمام پاکستانیوں کے لیے مبارک دن ہو ۔۔۔ وطن عزیز کی ترقی اور خوشحالی کا ضامن ہو ۔۔۔ آج آپ کا ووٹ پاکستان کی مثبت سمت کا تعین کرے گا ۔۔۔ پاکستان زندہ باد!
— Shehbaz Sharif (@CMShehbaz) July 25, 2018
