پاکستان پھر جیت گیا، ہم وطنوں کا شکریہ: ڈی جی آئی ایس پی آر

راولپنڈی: (دنیا نیوز) پاکستان پھر جیت گیا، ہم وطنوں کا شکریہ، ڈی جی آئی ایس پی آر کا ٹویٹ، قوم نے ہر قسم کا پراپیگنڈا مسترد کر دیا۔ دنیا نے پاک فوج کے لیے پیار اور احترام دیکھ لیا۔

ڈی جی آئی ایس پی آر میجر جنرل آصف غفور نے الیکشن کے کامیاب انعقاد پر ہم وطنوں کا شکریہ ادا کرتے ہوئے کہا کہ عوام نے پولنگ سٹیشن پر پاک فوج کے جوانوں کے ساتھ محبت کا اظہار کرکے پاک فوج کے خلاف گھناؤنے پراپیگنڈے کو مسترد کردیا۔ انہوں نے اپنی ٹویٹ میں قوم کی جانب سے جوانوں کو پھول پیش کرنے اور محبت دینے پر عوام کا شکریہ ادا کیا۔

Thank you fellow Pakistanis. World has seen your love & respect for Pak Armed Forces & LEAs today. U hv rejected all kinds of malicious propaganda. We are strong because we have your unflinching support. Our lives are dedicated to Pakistan and its People.
Pakistan wins again! pic.twitter.com/MGbujoGjZk

— Maj Gen Asif Ghafoor (@OfficialDGISPR) July 25, 2018

ڈی جی آئی ایس پی آر کا کہنا تھا کہ آج دنیا نے پاک فوج اور قانون نافذ کرنیوالے اداروں سے عوام کی محبت دیکھ لی اور عوام نے منفی قسم کا پراپیگنڈا مسترد کر دیا ہے۔ پاک فوج عوام کی غیر متزلزل حمایت کی وجہ سے مضبوط ہے اور ہماری زندگیاں پاکستان اور اس کے عوام کے لیے وقف ہیں، آج ایک بار پھر پاکستان کی فتح ہو گئی ہے۔

واضح رہے کہ آج ملک بھر میں عام انتخابات کا انعقاد کیا گیا تھا جس میں ملک کے ہر حصے میں عوام نے بھرپور انداز میں شرکت کی۔ انتخابی عمل کو سیکیورٹی دینے، اسے شفاف اور محفوظ بنانے کے انتظامات پاک فوج کے سپرد کیے گئے تھے۔