الیکشن کمیشن کی جانب سے قومی اور صوبائی اسمبلیوں کے 32 حلقوں میں نتائج روکنے جانے پر تحریکِ انصاف کا ردعمل سامنے آیا ہے۔ پی ٹی آئی کے مرکزی ترجمان فواد چودھری نے الیکشن کمیشن کے فیصلے پر چیف جسٹس سے نوٹس لینے کا مطالبہ کیا ہے۔
فواد چودھری کے مطابق انتخابات 2018ء کے نتائج کو غیر سنجیدہ انداز سے روکنا انتہائی سنجیدہ معاملہ ہے، انتقالِ اقتدار کیلئے نتائج کا حتمی ہونا انتہائی اہم ہے۔

پی ٹی آئی ترجمان کا کہنا ہے کہ عدالتی اور انتظامی فیصلے ملک کے مفاد سے متصادم ہرگز نہیں ہونے چاہیں، جلد از جلد ان تمام نشستوں کے حتمی نتائج جاری کئے جائیں۔