پاکستان
خلاصہ
- بھلوال (دنیا نیوز ) بھلوال میں مسافر بس اور کالج وین میں تصادم کے نتیجے میں وین ڈرائیور اور 7 طالبات جاں بحق جبکہ 4 طالبات زخمی ہوگئیں، مشتعل طلبا نے مسافر بس جلا دی۔
گجرات روڈ پر خوفناک حادثہ اس وقت پیش آیا جب مختلف کالجز کی طالبات کو لے کر جانیوالی وین کو سامنے سے آنیوالی مسافر بس نے ٹکر مار دی، حادثہ اتنا شدید تھا کہ وین ڈرائیور اور 7 طالبات موقع پر جاں بحق ہوگئیں جبکہ 4 طالبات زخمی ہوگئیں۔
ریسکیو ٹیموں نے موقع پر پہنچ کر لاشیں اور زخمی تحصیل ہسپتال منتقل کیے، حادثے کے بعد مختلف کالجز کے طلبا اور علاقہ مکینوں نے احتجاج کیا، مشتعل طلبا نے مسافر بس کے شیشے توڑ کر آگ لگا دی۔
