اسلام آباد: (دنیا نیوز) معاون خصوصی فردوس عاشق اعوان نے کہا ہے کہ بھارت نے تسلط کی پالیسی نہ ترک کی تو خطے کے امن کوخطرات لاحق ہیں، مقبوضہ کشمیر کی عوام کو مقدس تہوار منانے سے روکا گیا جو سیکولر بھارت کا مودی کے ہاتھوں قتل کے مترادف ہے، کشمیر میں آزادی کا سورج طلوع ہو کر رہے گا۔
معاون خصوصی برائے اطلاعات فردوس عاشق اعوان نے سوشل میڈیا پر اپنے پیغام میں کہا ہے کہ بھارت اپنے انتہا پسندانہ رویے پر نظر ثانی کرے، مسئلہ کشمیر کاحل اقوام متحدہ کی قراردادوں کی روشنی میں ہی ممکن ہے۔
ہندتوا کی سوچ پر کاربند مودی سرکار نے بھارتی تسلط کی پالیسی نہ ترک کی تو خطے کے امن کو شدید خطرات لاحق ہیں۔بھارت اپنے انتہا پسندانہ رویے پر نظر ثانی کرے ۔کشمیر ایک متنازع علاقہ ہے جس کا حل اقوام متحدہ کی قراردادوں کی روشنی میں ہی ممکن ہے۔
— Firdous Ashiq Awan (@Dr_FirdousPTI) August 13, 2019
انھوں نے کہا کہ مقبوضہ کشمیر میں مقدس تہوار منانے سے روکا گیا جو سیکولر بھارت کا مودی کے ہاتھوں قتل کے مترادف ہے۔ کشمیریوں، پاکستانیوں کی خوشیاں اور غم سانجھے ہیں، کشمیر میں آزادی کا سورج طلوع ہو کر رہے گا۔
قربانی کے روز مسلمانوں کو ان کے مقدس تہوار منانے سے روکنا ثابت کرتا ہے کہ سیکولر اور جمہوری بھارت مودی کے ہاتھوں قتل ہوچکا ہے۔کشمیریوں اور پاکستانیوں کی خوشیاں اور غم سانجھے ہیں۔کشمیر میں آزادی کا سورج طلوع ہو کر رہے گا۔
— Firdous Ashiq Awan (@Dr_FirdousPTI) August 13, 2019
معاون خصوصی کا مزید کہنا تھا کہ کوئی ظلم، کرفیو، ہتھکڑی اور قیدخانہ کشمیریوں کو غلام نہیں بنا سکتا۔ عید پر مذہبی رسومات سے روکنا اس بات کا ثبوت ہے کہ بھارت نے کشمیر پر غاصبانہ طور پر قبضہ جما رکھا ہے۔
کوئی جبر، کوئی ظلم، کوئی کرفیو، کوئی ہتھکڑی اور کوئی قیدخانہ کشمیریوں کو غلام نہیں بنا سکتا۔ عید کے دن کشمیریوں کو ان کی مذہبی رسومات ادا کرنے سے روکنا ثابت کرتا ہے کہ بھارت کشمیر پر غاصبانہ قبضہ کر رہا ہے۔
— Firdous Ashiq Awan (@Dr_FirdousPTI) August 13, 2019
