اسلام آباد: (دنیا نیوز) ترجمان بلاول بھٹو زرداری نے الیکشن کمیشن کی جانب سے نوٹس بھیجنے کی خبروں پر رد عمل دیتے ہوئے کہا ہے کہ پارٹی چیئرمین کو اپنے حلقے میں جانے سے کوئی قانون اور ضابطہ نہیں روک سکتا۔
سینیٹر مصطفیٰ نواز کھوکھر نے کہا کہ ایک منتخب رکن قومی اسمبلی کو اپنے حلقے میں جانے پر کیسے نوٹس بھیجا جا سکتا ہے؟ الیکشن کمیشن اس طرح کی پابندیوں سے اپنی متنازع ساکھ بحال نہیں کر سکتا۔
ترجمان بلاول بھٹو زرداری کا کہنا تھا کہ متنازع الیکشن کمیشن نے تو خود 2018ء کے دھاندلی زدہ انتخابات کا جواب دینا ہے۔ الیکشن کمیشن کچھ بھی کر لے اس کی حیثیت متنازع ہی رہے گی۔
