لاہور: (دنیا نیوز) لاہورکے مختلف علاقوں میں موسلادھار بارش سے حبس کی شدت میں کمی آ گئی جس سے شہریوں نے سکھ کا سانس لیا.
لاہور میں بادل آج پھر برس پڑے، شہر کے مختلف علاقوں ایبٹ روڈ، گڑھی شاہو، لکشمی چوک، میکلوڈ روڈ، ڈیوس روڈ پر بارش سے موسم خوشگوار ہو گیا۔ گلبرگ، کینال روڈ سمیت ملحقہ علاقوں میں حبس سے گھبرائے شہریوں کے چہروں پر رونق آ گئی۔
لاہور کے علاوہ گجرات، وزیرآباد اور اٹک سمیت پنجاب کے دیگر علاقوں میں بھی بارش سے ہوئی۔ ادھر کراچی میں بارش نے شہر بھر میں تباہی مچا رکھی ہے، متعدد شاہراہیں اور آبادیاں زیر آب آنے سے شہریوں کی زندگی اجیرن ہو گئی۔ بلوچستان میں بھی طوفانی بارشوں سے تاحال 8 افراد جاں بحق ہو چکے ہیں۔
