آرمی چیف جنرل قمر جاوید باجوہ سرکاری دورہ پر سعودی عرب پہنچ گئے

راولپنڈی: (دنیا نیوز) آرمی چیف جنرل قمر جاوید باجوہ سرکاری دورہ پر سعودی عرب پہنچ گئے ہیں، سعودی وزارت دفاع میں انھیں گارڈ آف آنر دیا گیا۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ کی کمانڈر جوائنٹ فورسز سعودی عرب فہد بن ترکی آل سعود اور چیف آف جنرل سٹاف جنرل فیاض بن حامد آل رویلے سے ملاقات ہوئی۔

پاکستان اور سعودی عرب کی عسکری قیادت کے درمیان ملاقات میں دونوں ملکوں کے درمیان فوجی تعلقات اور مشترکہ مشقوں سے متعلق امور پر تبادلہ خیال کیا گیا۔

خیال رہے کہ پاک فوج کے سربراہ جنرل قمر جاوید باجوہ اہم دورے پر سعودی عرب کے دارالحکومت ریاض پہنچے تھے۔ ان کے ساتھ ڈی جی آئی ایس آئی لیفٹیننٹ جنرل فیض حمید بھی موجود تھے۔