راولپنڈی: (دنیا نیوز) پاکستان آرمڈ فورسز کے دستے نے روس میں ہونیوالی فوجی مشقوں کیوکاز کی افتتاحی تقریب میں شرکت کی۔
پاک فوج کے شعبہ تعلقات عامہ (آئی ایس پی) کے ڈائریکٹر جنرل (ڈی جی) میجر جنرل بابر افتخار کی طرف سے سماجی رابطے کی ویب سائٹ ٹویٹر پر ایک ویڈیو جاری کی۔
ویڈیو میں دیکھا جا سکتا ہے کہ پاکستان آرمڈ فورسز کے دستے روس میں ہونیوالی فوجی مشقوں کیوکاز کی افتتاحی تقریب میں شرکت کر رہے ہیں۔
#PakistanArmedForces contingent participated in opening ceremony of multinational military exercise,
— DG ISPR (@OfficialDGISPR) September 19, 2020
#Kavkaz2020, held @ Astrakhan region, #Russia today. Ex Kavkaz (21-26 Sep ) aims @ assessing ability of troops to react 2 various challenges & learn 4fm each other’s experiences. pic.twitter.com/irD8wCju4q
میجر جنرل بابر افتخار نے ٹویٹر پر لکھا کہ روس میں ہونیوالی مشقوں کا مقصد مشقوں کا مقصد ایک دوسرے کے تجربات سے استفادہ کرنا ہے۔ فوجی مشقیں 21 سے 26 ستمبرتک جاری رہیں گی۔ مشقیں روس کےعلاقےاسترکھان میں منعقدہورہی ہیں۔
بھارت اس فوجی مشقوں میں شرکت سے آخری وقت میں بھاگ گیا۔ بالی ووڈ کے سورما فوجی صلاحیتوں کے عملی مظاہرے سے گریزاں ہیں، دفاعی ماہرین نے بھارتی فیصلہ بچگانہ اور تنگ نظری قرار دےدیا۔
بھارت مشقوں میں پاکستان اور چین کی موجودگی کی وجہ سے بھاگا۔بھارت کی طرف سے اگست تک ان مشقوں میں شرکت کی مکمل تیاری تھی، چین کیساتھ سرحدی تنازع پر بھارت پیچھے ہٹا۔
ماہرین کا کہنا ہے کہ تربیتی مشقوں میں حربی اور تربیتی مظاہرے شامل ہیں، شرکاء کو اپنے جدید ملٹری ہارڈ وئیر اور ٹیکنالوجی کے مظاہرے کا موقع ملے گا، پاکستان نے گزشتہ سال اسی سلسلے کی ٹی سنٹر 2019ء میں بھرپور شرکت کی تھی۔
پاکستان سمیت قازقستان ، کرغزستان، تاجکستان اور ازبکستان شریک ہوئے تھے، کیوکاز مشقوں میں خطے کے دیگر ممالک کو بھی شرکت کی دعوت دی گئی ہے، کیوکاز سٹریٹجک کمانڈ مشقوں میں 80ہزار سے زائد اہلکاروں کی شرکت متوقع ہے۔
پاک روس مشترکہ فوجی مشقیں دروزبہ بھی ہر سال منعقد ہوتی ہیں، دروزبہ دوستی کے ٹائٹل سے مشقیں 2016ء سے شروع ہوئیں، اب تک دروزبہ کے سلسلے کی چار فوجی مشقیں ہوچکی ہیں، ان مشقوں میں انسداد دہشت گردی اور سپیشل آپریشنز کے پہلو شامل ہیں۔
