اسلام آباد: (دنیا نیوز) وزارت قانون نے چیئرمین نیب، ڈپٹی چیئرمین اور پراسیکیوٹر جنرل کی مدت ملازمت میں توسیع کیلئے نیب کی تجویز مسترد کر دی ہے۔
ذرائع کے مطابق قومی احتساب بیورو (نیب) کی جانب سے وزارت قانون کو تجویز دی گئی تھی کہ چیئرمین، ڈپٹی چیئرمین اور پراسیکیوٹر کی مدت ملازمت میں توسیع کیلئے نیب آرڈیننس میں ترمیم کی جائے۔
وزارت قانون نے تجویز مسترد کرتے ہوئے کہا ہے کہ مذکورہ عہدوں کی مدت ملازمت دیگر خود مختار اداروں میں مدت ملازمت کے عین مطابق ہے اور نیب ملازمت کی مدت میں توسیع کی واضح وجوہات پیش نہیں کر سکا۔
