وزیر اعلیٰ پنجاب شہباز شریف کے حکم پر فیصل آباد پولیس نے کھلے عام فائرنگ اور اسلحے کی نمائش کرنے والے لیگی کارکنوں کے خلاف رات گئے کریک ڈاؤن کیا۔ اب تک بارہ افراد کو حراست میں لیا جاچکا ہے مگر کسی رہنما کی گرفتاری عمل میں نہیں آئی۔ دوسری جانب سٹی پولیس آفیسر رائے طاہر کا کہنا ہے کہ ریلی میں فائرنگ کرنے والوں کو بلاامتیاز گرفتار کیا جائیگا۔ مسلم لیگ نواز نے گزشتہ روز فیصل آباد میں تنظیم سازی مکمل ہونے پر ریلی اور جلسے کا اہتمام کیا تھا جس میں کارکنوں نےشہر کے مختلف علاقوں میں تین گھنٹے تک ہوائی فائرنگ کی جس سے دو بچوں سمیت تین افراد زخمی ہوگئے تھے۔