دبئی میں مریخ جیسا ماحول پیدا کرنے کیلئے شہر آباد کرنے کا منصوبہ

دبئی میں مریخ جیسا ماحول پیدا کرنے کیلئے شہر آباد کرنے کا منصوبہ

لاہور: (دنیا نیوز) متحدہ عرب امارات کی حکومت نے خلائی تحقیق کے شعبے میں قدم رکھ دیا، حکومت نے دبئی میں سرخ سیارے مریخ جیسا ماحول پیدا کرنے کے لیے شہر آباد کرنے کا منصوبہ بنا لیا، دبئی میں 13 کروڑ 50 لاکھ ڈالر کی لاگت سے مارس سٹی منصوبہ تعمیر کیا جائے گا، یہ شہر 19 لاکھ مربع فٹ پر مشتمل ہو گا۔ اس شہر میں سائنسدان ایک برس تک قیام کے دوران مختلف تجربات کریں گے جس میں مریخ پر زندگی کے لیے خوراک، پانی اور توانائی کا حصول شامل ہے۔ یہ منصوبہ دبئی کی  مریخ 2117  منصوبہ بندی کا حصہ ہے جس کے تحت آئندہ سو برس کے دوران مریخ پر پہلی انسانی آبادی کا قیام عمل میں لانا ہے۔

 


اس شہر میں جدید لیبارٹریوں کے ذریعہ مریخ کے سخت موسم اور زمینی ساخت کی نقل بنائی جائے گی، شہر میں عجائب گھر بھی ہو گا جس کی دیواریں تھری ڈی پرنٹر سے تیار کی جائیں گی۔