واشنگٹن(نیٹ نیوز) امریکہ میں پیدائشی طور پر بازوؤں سے محروم لڑکی پائلٹ بن گئی، رپورٹ کے مطابق ایری زونا کی جیسیکا کا نام دنیا کی گنیز بک آف ورلڈ ریکارڈ میں پہلی ہاتھوں سے محروم سرٹیفائیڈ خاتون پائلٹ کے نام سے درج ہوگیا ہے۔
پائلٹ ہونے کیساتھ ساتھ جیسیکا تائی کوانڈو چیمپئن ہے ، پیانو بجانے میں مہارت رکھتی اور ڈرائیونگ بھی کرتی ہے ، ہاتھوں سے محروم لڑکی پیروں سے سب کام بخوبی سر انجام دیتی ہے۔
جیسیکا نے 2012 میں پیٹرک نامی شہری سے شادی کی جو ان کے تائی کوانڈو انسٹرکٹر بھی رہ چکے ہیں، جیسکا نے حالیہ دنوں ہی ایتھوپیا کا دورہ کیا جہاں انہوں نے معذور لوگوں کے حقوق کے حوالے سے آگاہی فراہم کی۔
