کراچی: (ویب ڈیسک) ملک میں جاری غیر یقینی سیاسی صورتحال کے باعث سٹاک مارکیٹ میں ایک مرتبہ پھر بڑی مندی کے باعث سرمایہ کاروں کے اربوں روپے ڈوب گئے۔
کاروباری ہفتے کے پہلے روز حصص مارکیٹ میں کاروبار کا آغاز محتاط انداز میں ہوا، صبح دس بجے کے قریب انڈیکس میں محض 10 پوائنٹس کی تیزی ریکارڈ کی گئی، تاہم بعد میں مندی کی واپسی ہوئی۔
ایک موقع پر 100 انڈیکس میں 450 پوائنٹس سے بھی زیادہ کی مندی دیکھی گئی تھی تاہم کاروبار کے اختتام پر سٹاک مارکیٹ میں کاروبار 404.12 پوائنٹس کی گراوٹ کے بعد 41195.06 پوائنٹس کی سطح پر پہنچ کر بند ہوا۔
پورے کاروباری روز کے دوران کاروبار میں 0.97 فیصد کی تنزلی دیکھی گئی جبکہ 4 کروڑ 71 لاکھ 59 ہزار 489 شیئرز کا لین دین ہوا۔
