کراچی: (دنیا نیوز) روپے کو روندتے ہوئے انٹربینک اور اوپن مارکیٹ میں امریکی کرنسی کی اڑان کا سلسلہ جاری ہے۔
کاروباری ہفتے کے پہلے روز انٹربینک میں امریکی کرنسی کی قیمت میں 74 پیسے کا اضافہ ریکارڈ کیا گیا ہے جس کے بعد انٹربینک میں ڈالر 286 روپے 56 پیسے پر بند ہوا ہے۔
— SBP (@StateBank_Pak) May 22, 2023
یاد رہے کہ گزشتہ ہفتے کے آخری کاروباری روز کے اختتام پر انٹربینک میں امریکی کرنسی 285 روپے 82 پیسے پر بند ہوئی تھی۔
دوسری جانب اوپن مارکیٹ میں بھی ڈالر کی قدر بڑھنے لگی ہے، 5 روپے اضافے کے ساتھ اوپن مارکیٹ میں امریکی کرنسی 306 روپے پر ٹریڈ کر رہی ہے۔