اوپن مارکیٹ میں ڈالر تاریخ کی بلند ترین سطح پر پہنچ گیا

Published On 29 May,2023 01:33 pm

کراچی: (دنیا نیوز) اوپن مارکیٹ میں ڈالر ملکی تاریخ کی بلند ترین سطح پر پہنچ گیا، انٹربینک میں بھی معمولی اضافہ دیکھا گیا ہے۔

کاروباری ہفتے کے پہلے روز اوپن مارکیٹ میں ڈالر کی قیمت میں 3 روپے اضافہ ریکارڈ کیا گیا جس کے بعد اوپن مارکیٹ میں امریکی کرنسی 316 روپے پر فروخت ہو رہی ہے۔

انٹربینک میں بھی ڈالر کی قدر میں اضافہ دیکھنے میں آیا ہے، 45 پیسے اضافے کے بعد انٹربینک میں امریکی کرنسی 285 روپے 60 پیسے پر ٹریڈ کر رہی ہے۔

یاد رہے کہ گزشتہ کاروباری ہفتے کے آخری روز انٹربینک میں ڈالر 285 روپے 15 پیسے پر بند ہوا تھا۔

دوسری جانب سٹاک مارکیٹ سٹاک ایکس چینج میں بھی مثبت رجحان دیکھا گیا ہے، 649 پوائنٹس اضافے کے بعد 100 انڈیکس 41 ہزار 613 پوائنٹس کی سطح پر آگیا ہے۔
 

Advertisement