کراچی:(دنیا نیوز) پاکستان پیپلزپارٹی (پی پی پی) کے رہنما ناصر حسین شاہ نے وزیراعظم شہباز شریف سے پاکستان میں ادارہ جاتی کرکٹ بحال کرنے کی درخواست کردی ہے۔
پی پی رہنما ناصر حسین شاہ نے کہا کہ اداروں میں کرکٹ بند ہونے سے ہزاروں کھلاڑی بیروزگار ہوگئے، سابق وزیر اعظم عمران خان نے اقتدار میں آتے ہی بطور پیٹرن ان چیف پی سی بی ادارہ جاتی کرکٹ کو بند کر دیا تھا۔
I request the Prime Minister Mian Shehbaz Sharif in his capacity as Patron-in-chief of PCB immediately restore the Departmental Cricket Teams. Because of Imran Khan s cruel decision thousands of Pakistan s young cricketers have quit cricket due to unemployment.@CMShehbaz
— Syed Nasir Hussain Shah (@SyedNasirHShah) April 17, 2022
سماجی رابطے کی ویب سائٹ ٹوئٹر پر پیغام جاری کرتے ہوئے ناصر حسین شاہ نے لکھا کہ اداروں میں کرکٹ بند ہونے سے ہزاروں کھلاڑی بیروزگار ہوگئے ہیں، عمران خان کے کھلاڑی دشمن فیصلے نے ہزاروں کھلاڑیوں کو متاثر کیا، وزیر اعظم شہباز شریف بطور پیٹرن ان چیف پی سی بی ادارہ جاتی کرکٹ بحال کریں۔
