دورہ پاکستان مکمل ہونے کے بعد نیوزی لینڈ کرکٹ ٹیم وطن واپس روانہ

کراچی: (ویب ڈیسک) نیوزی لینڈ کرکٹ ٹیم پاکستان میں ون ڈے اور ٹی 20 کی سیریز کھیلنے کے بعد وطن واپس روانہ ہو گئی۔

سماجی رابطے کی ویب سائٹ ٹوئٹر پر جاری کیے گئے پیغام میں نیوزی لینڈ کرکٹ ٹیم نے کہا ہے کہ کراچی، پنڈی اور لاہور میں 10 میچز کھیلنے کے بعد اپنے گھر واپس جا رہے ہیں۔

کیویز ٹیم نے پاکستان میں مہمان نوازی کا شکریہ بھی ادا کیا۔

Thanks for having us for the last month Pakistan! Homeward bound after 10 matches against @TheRealPCB and time in Lahore, Rawalpindi and Karachi. #PAKvNZ pic.twitter.com/ChVF3VQG3n

— BLACKCAPS (@BLACKCAPS) May 8, 2023

واضح رہے کہ گزشتہ روز آخری ون ڈے میچ میں نیوزی لینڈ نے پاکستان کو 47 رنز سے شکست دی تھی تاہم ون ڈے میچز کی سیریز قومی کرکٹ کے نام رہی۔

قومی ٹیم نے نیوزی لینڈ کو ابتدائی چاروں میچز میں شکست سے دوچار کیا تھا۔

دونوں ٹیموں کے درمیان کھیلی گئی ٹی 20 سیریز 2-2 سے برابر رہی تھی جبکہ سیریز کا ایک میچ بارش کی نذر ہوا تھا۔