قومی اسمبلی ترجمان نے کہا کہ یوٹیوب چینل کی بندش سے متعلق چینلز اور اخبارات میں شائع شدہ خبریں حقیقت سے عاری ہیں، سوشل میڈیا سرور کے ڈاؤن ہونے کی وجہ سے تکنیکی مسائل پیدا ہوئے تھے جس کے باعث چینل عارضی طور پر غیر فعال ہوا۔

ترجمان کا کہنا تھا کہ یہ تکنیکی مسئلہ آج کے دن ہی حل ہو گیا اور چینل دوبارہ آپریشنل ہو گیا،  پارلیمنٹ کے مشترکہ اجلاس کی کارروائی اور تقاریر بھی چینل پر اپ لوڈ کر دی گئی ہیں۔

قومی اسمبلی ترجمان نے مزید کہا کہ چینل کی بندش کے حوالے سے من گھڑت خبریں چلائی گئی اور خبر نشر یا شائع کرنے سے قبل قومی اسمبلی سیکرٹریٹ کا موقف نہیں لیا گیا۔