تازہ ترین
  • Regional :- کراچی :وزارت بحری امور میں اصلاحات کی جارہی ہیں، علی زیدی
  • Regional :- کراچی :وزارت میں کرپشن کےمعاملات کی تحقیقات کرارہےہیں،علی زیدی
  • Regional :- کراچی :ماضی میں جوریٹ اچھادیتا اس کاجہازپہلےلگ جاتاتھا،علی زیدی
  • Regional :- کراچی :بحری امورکی خراب مشینری کواپنےوسائل سےکارآمدبنارہےہیں،علی زیدی

عمران خان کی حکومت کا ہر گزرتا دن مہنگائی کا طوفان لا رہا ہے: بلاول بھٹو

Published On 04 May,2021 12:41 pm

کراچی: (دنیا نیوز) بلاول بھٹو نے کہا ہے کہ ملک میں مہنگائی کی ماہانہ شرح 11.1 فیصد جبکہ سالانہ شرح 14.1 فیصد تک پہنچ چکی ہے، عمران خان کی حکومت کا ہر گزرتا دن مہنگائی کا طوفان لا رہا ہے۔

چیئرمین پیپلزپارٹی بلاول بھٹو زرداری اپنے بیان میں ملک میں مہنگائی کی ریکارڈ شرح پر حکومت کو تنقید کا نشانہ بناتے ہوئے کہا کہ وزیراعظم صاحب ہوش کے ناخن لیں، ملک میں مہنگائی عروج پر ہے، جب گندم اور گنا پیدا کرنے والا ملک چینی اور آٹا درآمد کرے گا تو کیسے ملک چلے گا ؟ رمضان کے مقدس مہینے میں مختصر ہوتے افطار کے دستر خوان عمران خان کی نااہلی کی داستانیں سنارہے ہیں، عوام عمران خان کو مہنگائی کی دہائیاں دے رہے ہیں مگر خان صاحب اپنی تعریف کے علاوہ کچھ سننے کو تیار نہیں۔

بلاول بھٹو کا کہنا تھا کہ سندھ حکومت نے کمر توڑ مہنگائی کے دنوں میں بے نظیر مزدور کارڈ کا اجرا کر کے غریبوں کے زخموں پر مرہم رکھا ہے، تاریخ گواہ رہے گی کہ جب عمران خان مہنگائی کی قیامت ڈھا رہے تھے تو پاکستان پیپلزپارٹی مزدوروں کو بے نظیر کارڈ جاری کر کے ریلیف مہیا کر رہی تھی۔