لاہور: (دنیا نیوز) وزیراعلیٰ پنجاب سردار عثمان بزدار نے عوام کو ایک بار پھر خبردار کیا ہے کہ کورونا ایس او پیز کی خلاف ورزی کرنے والوں کے خلاف کارروائی کی جائے گی۔
اپنے ایک بیان میں وزیراعلیٰ کا مزید کہنا ہے کہ کورونا کا پھیلاؤ روکنے کے لئے عوام کا تعاون اہمیت کا حامل ہے۔ عوام ایس او پیز پر عمل کریں، سماجی فاصلہ بھی برقرار رکھیں۔ شہریوں کو احتیاط دامن تھام کر کورونا کے ساتھ جینا سیکھنا ہو گا۔
وزیراعلی عثمان بزدار نے متعلقہ اداروں کو ایس او پیز پر عملدرآمد کو یقینی بنانے کی ہدایت کی۔
