تازہ ترین
  • بریکنگ :- فوری الیکشن کی تاریخ دینےکاعمران خان کامطالبہ مسترد،ذرائع
  • بریکنگ :- اتحادیوں کاالیکشن سےقبل اصلاحات کاعمل جلدمکمل کرنےپرزور،ذرائع
  • بریکنگ :- وزیراعظم،اتحادیوں کامعیشت کی بحالی کیلئےفوری اقدامات کرنےکافیصلہ،ذرائع
  • بریکنگ :- شرکانےعمران خان کی 4سالہ کارکردگی کی حقیقت عوام کےسامنےلانےپرزوردیا،ذرائع
  • بریکنگ :- وزیراعظم شہبازشریف کی زیرصدارت اتحادیوں کااجلاس
  • بریکنگ :- حکومت 2023 تک اپنی مدت پورےکرےگی،تمام جماعتوں کامتفقہ فیصلہ
  • بریکنگ :- تمام اتحادی جماعتوں نےوزیراعظم کےفیصلےکی توثیق کردی،ذرائع
  • بریکنگ :- اتحادیوں کی سیاسی بحران،معاشی استحکام کیلئےمکمل تعاون کی یقین دہانی
  • بریکنگ :- وزیراعظم نےروپےکی قدرمیں اضافےودیگرمعاشی امورپراعتمادمیں لیا

'نواز شریف کے آنے سے کوئی فرق نہیں پڑیگا، عمران خان 5 سال پورے کریں گے'

Published On 29 December,2021 11:27 am

راولپنڈی: (دنیا نیوز) شیخ رشید نے کہا ہے کہ نواز شریف کے آنے سے کوئی فرق نہیں پڑے گا، عمران خان کی قیادت میں اگلا الیکشن لڑیں گے، ہر پارٹی چاہتی ہے اسٹیبلشمنٹ اس کے سر پر ہاتھ رکھے، اسٹیبلشمنٹ کہتی ہے وہ منتخب حکومت کے ساتھ ہوگی۔

وفاقی وزیر داخلہ شیخ رشید نے راولپنڈی میں زیر تعمیر زچہ بچہ ہسپتال کے دورہ کے بعد میڈیا سے گفتگو کرتے ہوئے کہا کہ یہ سال بلدیاتی انتخابات کا ہے، عمران خان کی قیادت میں عام انتخابات میں حصہ لیں گے، اگلا الیکشن عمران خان کا ہی ہے، ہم وہ اتحادی ہیں جو ہر حال میں پی ٹی آئی کے ساتھ ہیں۔ انہوں نے کہا کہ غریب آدمی کیلئے صحت بڑا مسئلہ ہے، وزیراعظم عمران خان کا ایجنڈا ہے غربت میں کمی ہو، امید ہے عمران خان 5 ویں سال مہنگائی ختم کریں گے۔

شیخ رشید کا کہنا تھا کہ نواز شریف آنے کی تاریخ بتائیں، اپنی جیب سے ٹکٹ دوں گا۔ منی بجٹ پاس ہوگا، کوئی قیامت نہیں آئے گی، اتحادی جماعتوں کے ناراض ہونے کا بھی یہی وقت ہوتا ہے، 50 سال سیاست کی، کسی قبضہ گروپ کو مضبوط نہیں ہونے دیا۔