لاہور: (ویب ڈیسک) وزیراعظم عمران خان کا کہنا ہے کہ آسٹریلیا کے خلاف ٹیسٹ سیریز کے دوران قومی ٹیم کے بیٹسمین بابر اعظم کو نمبر چار پر کھلایا جائے۔
تفصیلات کے مطابق سابق لیجنڈ کپتان اور فاسٹ باؤلر وسیم اکرم کا کہنا ہے برسبین ٹیسٹ کے دوران وزیراعظم اور پی سی بی کے پیٹرن چیف نے مجھے پیغام کیا کہ میں انکی جانب سے نیک تمناﺅں کا اظہار بابراعظم تک پہنچاﺅں۔
Wasim Akram "PM Imran Khan messaged me to wish all the best to Babar Azam for the way he batted. He also mentioned that in his cricketing opinion Babar is such a good batsman, with great technique that he should bat at number four eventually" #AUSvPAK
— Saj Sadiq (@Saj_PakPassion) November 25, 2019
وسیم اکرم نے سماجی رابطے کی ویب سائٹ کا سہارا لیتے ہوئے بتایا کہ عمران خان کا اپنے پیغام میں کہنا تھا کہ بابراعظم شاندار تکنیک رکھنے والے اچھے بیٹسمین ہیں، انہیں نمبر 4 پر بیٹنگ کرنا چاہیے۔
یاد رہے کہ بابراعظم نے برسبین ٹیسٹ میں مضبوط آسٹریلوی باﺅلنگ اٹیک کے سامنے بھرپور مزاحمت کرتے ہوئے مشکل وقت میں شاندار سنچری بنائی تھی تاہم اس کے باوجود پاکستان ٹیم اننگز اور 5 رنز کی شکست سے نہ بچ پائی۔
