لاہور: (ویب ڈیسک) سابق بھارتی بیٹسمین یوراج سنگھ اور سپنر ہربھجن سنگھ کی طرف سے کورونا وائرس کے دوران غریبوں کی مدد کرنے پر شاہد آفریدی کی تعریف کی جس پر بھارتی شہری انسانیت بھول گئے اور اپنے ہم وطن کھلاڑیوں پر تنقیدی نشتر چلا دیئے۔
تفصیلات کے مطابق دنیا بھر میں کورونا وائرس کے خلاف لڑنے والوں کو خراج تحسین پیش کیا جا رہا ہے جبکہ اس مہلک وباء میں انسانیت کی خدمت کرنے والوں کو بھی داد دی جا رہی ہے، کھیلوں سے وابستہ شخصیات بھی اس وباء سے نمٹنے کے لیے غریبوں کی مدد کر رہی ہیں، جس کو داد دینے کے لیے دیگر ممالک کے کھلاڑی بھی میدان میں آ گئے، گزشتہ روز کورونا وائرس میں غریبوں کی مدد کرنے پر بھارتی کرکٹ ٹیم کے آل راؤنڈر یوراج سنگھ نے پاکستانی کرکٹ ٹیم کے سابق کپتان شاہد آفریدی کی تعریف کی تھی۔
بھارتی خبر رساں ادارے کے مطابق سابق بھارتی کرکٹرز یووراج سنگھ اور ہربھجن سنگھ کو قومی کرکٹ ٹیم کے سابق کھلاڑی شاہد آفریدی کے فاؤنڈیشن کی حمایت کرنے پر بھارتی عوام کی جانب سے شدید تنقید کا سامنا کرنا پڑ رہا ہے۔
بھارتی کرکٹر ہربھجن سنگھ اور یووراج سنگھ دونوں کی جانب سے ٹوئٹر پر ویڈیو پیغام شیئر کیے گئے جس میں انہوں نے کورونا وائرس کے خلاف جنگ لڑنے میں پیش پیش شاہد آفریدی کے فاؤنڈیشن کے اقدامات کو خوب سراہا۔
These are testing times, it’s time to lookout for each other specially the ones who are lesser fortunate. Lets do our bit, I am supporting @SAfridiOfficial & @SAFoundationN in this noble initiative of covid19. Pls donate on https://t.co/yHtpolQbMx #StayHome @harbhajan_singh pic.twitter.com/HfKPABZ6Wh
— yuvraj singh (@YUVSTRONG12) March 31, 2020
The world is passing through extremely testing and unprecedented times.Let’s do our bit to help @SAfridiOfficial @SAFoundationN doing gr8 work plz join hands with them nd contribute what ever u can https://t.co/t9OvfEPp79 for covid19 @wasimakramlive @YUVSTRONG12 @shoaib100mph pic.twitter.com/sB2fxCAQqY
— Harbhajan Turbanator (@harbhajan_singh) March 29, 2020
Thank you for all you support-both yourself & my brother @harbhajan_singh are huge pillars of support; this bond we have shows love & peace transgresses borders when it comes to humanity especially. Best wishes to you with your noble endeavours with @YOUWECAN #DonateKaroNa https://t.co/IVhqywdl3q
— Shahid Afridi (@SAfridiOfficial) March 31, 2020
بھارتی کھلاڑیوں نے اپنے اپنے ویڈیو پیغام میں نا صرف شاہد آفریدی فاؤنڈیشن کی تعریف کی بلکہ انہوں نے عوام سے شاہد آفریدی فاؤنڈیشن میں عطیات دینے کی اپیل بھی کی۔
بعد ازاں قومی کرکٹ ٹیم کے سابق کھلاڑی شاہد آفریدی نے یووراج سنگھ اور ہربھجن سنگھ کی حمایت اور انسانیت کے لیے محبت کے اس جذبےکا بھی شکریہ ادا کیا لیکن بھارتی عوام کی جانب سے کھلاڑیوں کے انسانیت کے لیے اس جذبےکو شدید تنقید کا نشانہ بنایا جا رہا ہے۔
بھارتی عوام کی جانب سے کی جانے والی شدید تنقید کے بعد یوراج سنگھ نے اپنے ردِ عمل کا اظہار کرتے ہوئے ٹوئٹر پر پیغام بھی شیئر کیا۔
یوراج سنگھ نے اپنے ٹوئٹر پیغام میں لکھا کہ میرا مقصد صرف اور صرف لوگوں کی مدد کرنا ہے، میں اپنے پیغام سے کسی کے بھی جذبات کو ٹھیس نہیں پہنچانا چاہتا تھا، میں ایک بھارتی ہوں اور انسانیت کے ساتھ ہمیشہ کھڑا رہوں گا۔
— yuvraj singh (@YUVSTRONG12) April 1, 2020
خیال رہے کہ شاہد آفریدی اپنے فاؤنڈیشن کے ذریعے کورونا وائرس سے متاثرہ مریضوں کی مدد کر رہے ہیں۔
