نیویارک: (ویب ڈیسک) ہالی وڈ کے عالمی شہرت یافتہ اداکار آرنلڈ شوارزنیگر کا کہنا ہے کہ وہ پاکستان کا جلد دورہ کریں گے۔ یہ بات وزیراعظم كے مشیر برائے موسمیاتی تبدیلی ملك امین اسلم نے ہالی وڈ سٹار سے ملاقات کے بعد اپنے ٹویٹر پیغام میں کہی.
ملك امین اسلم جو كہ ماحولیاتی تبدیلی كے حوالے سے ہونے والی ’عالمی کانفرنس آف پارٹیز24‘ میں شركت كے لیے پولینڈ میں موجود ہیں، انہوں نے اپنے ٹویٹراكاؤنٹ پرہالی وڈ اداكارآرنلڈ شوار زنیگر كے ساتھ اپنی تصویر جاری كی اور لكھا كہ آرنلڈ شوار زنیگرموسمیاتی تبدیلیوں كے پاكستان پر منفی اثرات كے حوالے سے شعور اجاگر كرنے كے لیے پاكستان كا دورہ كریں گے۔
Just met with @Schwarzenegger who’s promised to come to #Pakistan to highlight our extreme climate vulnerability #COP24 pic.twitter.com/kzpTjQXkEw
— Malik Amin Aslam (@aminattock) December 3, 2018
آرنلڈ شوارزنیگر پہلے بنیادی طور پر باڈی بلڈر کے طور پر مشہور ہوئے تاہم ہالی وڈ میں اپنے غیرمعمولی کام کی وجہ سے عالمی شہرت حاصل کی جب کہ ٹرمنیٹر فلموں سے انہیں بہت مقبولیت ملی اس کے علاوہ پریڈیٹر، ٹرولائز، کونان دی باربیریئن بھی ان کی مشہور فلموں میں شامل ہیں۔ شوارزنیگر 2003 سے 2011 کے درمیان کیلی فورنیا کے گورنر بھی رہے اور اب وہ آب وہوا میں تبدیلی کے خلاف ایک مؤثر آواز بھی بن چکے ہیں۔
