ممبئی: (ویب ڈیسک) بھارتی فلم انڈسٹری میں سٹار بننے کے خواہشمند اداکار راہول ڈکشٹ نے ناکامی پر خودکشی کر لی۔ غمزدہ والد نے بہو پریا پر الزام لگاتے ہوئے موت کا ذمہ دار قرار دے دیا۔
میڈیا رپورٹس کے مطابق 28 سالہ اداکار راہول ڈکشٹ کا تعلق بھارتی ریاست راجستھان کے شہر جے پور سے تھا، بالی وڈ سٹار بننے کا خواب سجائے وہ ممبئی آئے تھے تاہم گھر سے اُن کی پنکھے سے لٹکی لاش برآمد ہوئی۔ لاش کے پاس سے خودکشی کی وجوہات سے متعلق کوئی تحریر نہیں ملی۔
Mumbai: A 28-year-old TV actor named Rahul Dixit allegedly committed suicide early this morning. Police have registered a case of accidental death, further investigation is underway. #Maharashtra
— ANI (@ANI) January 30, 2019
رپورٹس کے مطابق راہول اور انکی اہلیہ پریا نے ممبئی کے علاقے اوشیوارا میں دوستوں کو اپنے گھر پارٹی پر مدعو کر رکھا تھا۔ رات گئے فراغت کے بعد دونوں میاں بیوی سوگئے، صبح 5 بجے پریا کی آنکھ کھلی تو راہول کی لاش پنکھے سے لٹکی ہوئی تھی۔ اہلیہ کا کہنا ہے کہ انہوں نے لاش کو ہسپتال منتقل کیا تاہم راہول جانبر نہ ہو سکے۔ پولیس نے مقدمہ درج کرکے تفتیش شروع کردی ہے۔
اُدھر راہول کے والد نے بہو پر الزام لگایا ہے کہ ان کا بیٹا خودکشی نہیں کرسکتا، پریا موت کی ذمہ دار ہے۔ بھارتی میڈیا کے مطابق روزانہ سیکڑوں لوگ ممبئی میں قسمت آزمائی کیلئے آتے ہیں، راہول بھی آنکھوں میں بالی وڈ سٹار کا خواب سجائے ممبئی آیا تاہم کوشش میں ناکامی پر خودکشی کر لی۔
