لاہور: (ویب ڈیسک) صدارتی تمغہ امتیاز لینے والی مشہور اداکارہ مہوش حیات جو ماضی میں ہمیشہ سیاسی امور، حقوق نسواں اور مسئلہ کشمیر پر کھل کر بات کرتی ہیں تاہم ان کی ایک ویڈیو سوشل میڈیا پر وائرل ہو رہی ہے جس میں وہ کشمیر کے سوال پر جواب دینے سے گریزاں ہیں، جس کے بعد ہر کوئی انہیں تنقید کا نشانہ بنا رہا ہے۔
سوشل میڈیا کی مشہور ویب سائٹ ٹویٹر پر ٹویٹ میں دیکھا جا سکتا ہے کہ اداکارہ ایونٹ کے دوران مسئلہ کشمیر پر بات کرنے سے انکار کرتی نظر آئیں۔
ویڈیو میں دیکھا جا سکتا ہے کہ مہوش حیات ایونٹ میں موجود ہیں جبکہ صحافی کی طرف سے مسئلہ کشمیر کے حوالے سے سوال کیا کہ جیسے انہوں نے یتیموں کی کفالت کا ذمہ اٹھایا ہے، کیا وہ کشمیر کے بچوں کی کفالت کا بھی ذمہ اٹھائیں گی؟ جس کے جواب میں اداکارہ مہوش حیات نے جواب سے انکار کرتے ہوئے کہا کہ مجھے مسئلہ کشمیر پر بات کرنے سے منع کیا گیا ہے۔
The leaked video is being taken out of context. I’ve been the most vocal on #Kashmir issue globally & will continue to do so. I have big plans for next steps. This was a charity event & was requested by the PR not to be political ¬ distract from the orphans I was there to help
— Mehwish Hayat TI (@MehwishHayat) September 29, 2019
ویڈیو جیسے ہی وائرل ہوئی تو اداکارہ پر تنقیدوں کے نشتر برسنا شروع ہو گئے ہیں اور ہر کوئی تنقید کر رہا ہے جس کے بعد اداکارہ مہوش حیات نے ٹویٹر پر تنقید کرنے والوں کو جواب دیتے ہوئے وضاحت کی ہے۔
اداکارہ کا کہنا تھا کہ سوشل میڈیا پر وائرل ہونے والی ویڈیو سیاق و سباق سے ہٹ کر لی جا رہی ہے، میں عالمی سطح پر مسئلہ کشمیر پر کھل کر بات کرتی آرہی ہوں اور کرتی رہوں گی، میرے آگے کے بہت بڑے منصوبے بھی ہیں۔
مہوش نے ٹویٹ میں مزید لکھا کہ یہ ایک فلاحی تقریب تھی اور مجھ سے درخواست کی گئی تھی کہ میں سیاسی گفتگو سے پرہیز کروں، تاکہ ان یتیم بچوں سے توجہ نہ ہٹے جن کی مدد کرنے میں اس ایونٹ میں پہنچی تھی۔
