نیویارک: (دنیا نیوز) اقوام متحدہ کے زیر اہتمام عالمی امن مشنز میں خدمات سرانجام دینے کے دوران شہید 7 پاکستانی جوانوں کو ایوارڈ سے نوازا گیا ہے۔
ڈی جی آئی ایس پی آر کے مطابق اس دن کی مناسبت سے تقریب کا انعقاد ہوا جس میں امن مشن میں شہید ہونے والے 7 پاکستانی جوانوں کیلئے ایوارڈ دیئے گئے۔ یہ ایوارڈ اقوام متحدہ میں پاکستان کی مستقل مندوب ملیحہ لودھی نے وصول کئے۔ آرمی چیف کا کہنا ہے کہ پاکستان امن پسند ملک ہے اور امن کیلئے عالمی کوششوں میں کردار ادا کرتا رہے گا۔
United Nations (UN) commemorated International UN Peacekeepers Day. Sacrifices of seven Pakistani peacekeepers acknowledged by posthumously awarding them Dag Hammarskjöld medals.
— Maj Gen Asif Ghafoor (@OfficialDGISPR) June 1, 2018
“Pakistan is a peace loving country contributing to global peace efforts”, COAS. pic.twitter.com/3T7exYdTwX
پاک فوج کا دستہ 26 ممالک میں 44 امن مشنز میں شرکت کر چکا ہے، پاکستان کے اس وقت 6 ہزار جوان امن مشنز میں کام سرانجام دے رہے ہیں، اب تک 156 پاکستانی جوان امن مشنز میں شہید ہو چکے ہیں، پاکستانی دستہ اپنے اعلی ترین پیشہ ورانہ مہارت، عزم کے باعث قدر کی نگاہ سے دیکھا جاتا ہے۔ آرمی چیف جنرل قمر جاوید باجوہ بھی کانگو میں امن مشن میں حصہ لے چکے ہیں جو عالمی امن اور امن مشن کے حوالے سے زیادہ سمجھ بوجھ رکھتے ہیں۔
