اسلام آباد: (دنیا نیوز) وزیراعلی عثمان بزدار نے بے گھر افراد کیلئے شامیانوں اور کھانے کا انتظام کر دیا۔ وزیراعظم عمران خان نے ہدایت کی تھی کہ شدید سردی کے موسم میں سڑک کنارے فٹ پاتھوں پر سونے والے بے گھر افراد کیلئے رات بسر کرنے کا معقول انتظام کیا جائے۔
حکومت پنجاب نے وزیراعظم کی ہدایت پر عمل درآمد کرتے ہوئے بے گھر افراد کیلئے مخصوص مقامات پر شامیانے نصب کر دیئے ہیں جہاں سڑک کنارے سونے پر مجبور افراد سخت سردی میں رات سکوں سے بسر کر سکیں گے۔
وزیراعلی عثمان بزدار کی ہدایت پر شامیانوں کے ساتھ ساتھ مناسب کھانے کا بھی انتظام کیا گیا ہے جہاں بے سہارا افراد بغیر کسی قیمت کے پیٹ کی آگ بھی بجھا سکیں گے۔
وزیراعظم عمران خان نے اپنے ٹیوٹ میں کہا تھا کہ سردی میں اضافے کے باعث بن چھت افراد کے لیے شامیانے لگائے جائیں اور خوراک کا انتظام بھی کیا جائے۔
I have asked CM Punjab to set up tents for people sleeping on footpaths and provide them food until the Panah Gahs (shelters) are built, as the weather is turning increasingly cold. Peshawar and Karachi spots also being located.
— Imran Khan (@ImranKhanPTI) November 24, 2018
ڈی سی لاہور صالحہ سعید کے مطابق وزیراعظم اور وزیراعلی کے جاری کردہ احکامات کے مطابق شہر میں پانچ مقامات پر عارضی پناہ گاہ کا انتظام کیا جارہا ہے، جہاں پر بن چھت افراد کے لیے آرام کرنے اور کھانے کا بہترین انتظام کردیا گیا ہے۔
