اسلام آباد: (دنیا نیوز) یوسف رضا گیلانی کی چیئرمین سینٹ الیکشن کے خلاف اپیل سماعت کیلئے منظور کرلی گئی۔ اسلام آباد ہائی کورٹ نے صادق سنجرانی اور دیگر کو نوٹس جاری کر دئیے۔
اسلام آباد ہائی کورٹ میں چیئرمین سینیٹ کے انتخاب کیخلاف انٹرا کورٹ اپیل پر سماعت ہوئی۔ فاروق ایچ نائیک نے دلائل دیتے ہوئے کہا کہ سنگل بنچ نے میرٹ پر دلائل نہیں سنے، پریذائیڈنگ افسر نے پارلیمان کے کارروائی ضابطے کے تحت نہیں چلائی۔ اسلام آباد ہائیکورٹ نے دلائل سننے کے بعد صادق سنجرانی سمیت دیگر فریقین سے 27 اپریل تک جواب طلب کرلیا۔
