خلائی سفر کو فضائی سفر جتنا آسان بنانے کے مشن پر کام شروع

لاہور: (ویب ڈیسک) کیا خلائی سفر بھی فضائی سفر جتنا ہو سکتا ہے، یہ ایسی خبریں ہیں جو آج کل ہر شخص سننا چاہتا ہے، بھارتی چندریان ہو یا آسٹریلیا کی امریکہ سے خلا میں جانے کے لیے مدد کی درخواست، دنیا کے بیشتر ممالک خلا پر آسانی سے زندگی اور مریخ اور کرہ ارض کے درمیان مماثلت تلاش کرنے کی کوششوں میں ہیں۔

غیر ملکی خبر رساں ادارے کے مطابق انسانوں کیلئے چاند اور مریخ تک کے سفر کو فضائی سفر جتنا آسان بنانے کی ایک کوشش میں امریکی ارب پتی ایلون مسک نے کمپنی سپیس ایکس کے نئی خلائی جہاز کو لوگوں کے سامنے پیش کیا ہے۔

Starship will use in-space propellant transfer to enable the delivery of over 100t of useful mass to the surface of the Moon or Mars pic.twitter.com/pzCUebidZg

— SpaceX (@SpaceX) September 29, 2019

خلائی جہاز کی خاص بات ہے کہ کامیابی سے اڑان بھرنے پر انسانوں کو خلا تک پہنچا سکتا ہے۔ ٹیسلا کمپنی کے چیف ایگزیکٹو ایلون مسک کا کہنا ہے کہ خلا میں اپنی پہچان بنانے کیلئے ضروری ہے کہ خلائی سفر کو فضائی سفر جتنا آسان بنایا جائے۔

امریکا کی بڑی ریاستوں میں سے ایک ریاست ٹیکساس کے دور دراز علاقے بوکا چیکا میں ایلون مسک نے خلا میں دلچسپی رکھنے والوں کو خلائی جہاز دکھایا ہے، بوکا چیکا میکسیکو کی سرحد سے کچھ میل کے فاصلے پر ہے جہاں خلائی جہاز کے اڑانے کا تجربہ کیا جائے گا۔

یہ بھی پڑھیں: ماحولیاتی تبدیلی کیلئے مریخ پر جوہری بم گرائیں: چیف ایگزیکٹو ٹیسلا کمپنی

خبر رساں ادارے کے مطابق جہاز کے انجن کے تجربے پہلے ہی سے علاقے سے ایک میل کی دوری پر تقریباً دو درجن گھروں پر مشتمل آبادی کے لوگوں کے لیے پریشانی کا باعث ہیں۔

مسئلے کے حل کے لیے ایلون مسک نے کہا ہے کہ شاید ان کی کمپنی مستقبل میں اس علاقے کو خرید لے۔ تاہم کچھ علاقہ مکینوں نے اپنے گھروں کو تین گنا زیادہ داموں پر بھی فروخت کرنے سے انکار کر دیا ہے۔ خلائی جہاز کے سٹار ہوپر نام کے ماڈل کا بوکا چیکا میں جولائی سے اب تک دو بار ٹیسٹ لانچ ہو چکا ہے۔

ایلون مسک کا چاند پر خلائی جہاز بھیجنے کا مشن نیشنل ایئروناٹکس اینڈ سپیس ایڈمنسٹریشن (ناسا) کے ہدف کے ساتھ ساتھ چل رہا ہے، جس کے تحت ناسا انسانوں کو 2024 تک چاند پر بھیجنا چاہ رہا ہے۔

یاد رہے کہ ٹرمپ انتظامیہ کا ارادہ ہے کہ امریکی کمپنیاں ایسی چاند گاڑیاں اور جہاز بنائیں جس سے انسان چاند تک آسانی سے پہنچ سکیں، اور اس کے بعد مریخ پر آتے جاتے رہیں۔