لندن: (دنیا نیوز) بریگزٹ کے معاملے پر برطانوی وزیراعظم بورس جانسن کے بھائی نے رکن پارلیمنٹ اور وزارت کے عہدے سے استعفی دے دیا۔
برطانوی خبر رساں ادارے کے مطابق جو جانسن حکمران جماعت ٹوریز کے وزیر تھے۔ جو جانسن اپنے بھائی بورس جانسن کی کابینہ میں وزیر تجارت تھے اور کینٹ کے علاقے اورپنگٹن سے پارلیمنٹ کے رکن منتخب ہوئے تھے۔
It’s been an honour to represent Orpington for 9 years & to serve as a minister under three PMs. In recent weeks I’ve been torn between family loyalty and the national interest - it’s an unresolvable tension & time for others to take on my roles as MP & Minister. #overandout
— Jo Johnson (@JoJohnsonUK) September 5, 2019
جو جانسن نے ٹویٹر پر ٹویٹ کرتے ہوئے کہا کہ خاندانی وفاداری اور قومی مفادات کے درمیان پھنس کر رہ گیا ہوں۔ جو کام اس وقت کر رہا ہوں اس میں ایسا تناؤ جس میں کمی ممکن نہیں ہے۔
ٹویٹر میں انہوں نے لکھا کہ یہ میرے لیے عزت کی بات ہے میں نے اپنے حلقے کی 9 سال نمائندگی کی، ان عرصوں کے دوران تین وزرائے اعظم کیساتھ کام کیا۔
ترجمان وزیراعظم کا کہنا تھا کہ بورس جانسن اپنے بھائی جو جانسن کی خدمات پر انکے شکر گزار ہیں۔
