ایم سی سی نے لاہور قلندر کو چار وکٹوں سے ہرا دیا

لاہور: (ویب ڈیسک) ایم سی سی کی ٹیم نے دورہ پاکستان کے پہلے میچ میں لاہور قلندرز کو 4 وکٹوں سے شکست دے دی۔

لاہور کے قذافی سٹیڈیم میں کھیلے گئے میچ میں ایم سی سی نے ٹاس جیت کر لاہور قلندرز کو پہلے بیٹنگ کی دعوت دی۔ سلمان بٹ اور فخر زمان نے پہلی وکٹ کی شراکت میں 42 رنز بنائے اور سلمان بٹ 28 رنز بناکر رن آؤٹ ہوئے۔

فخر زمان اور سہیل اختر کی ذمہ دارانہ بیٹنگ کی بدولت لاہور قلندرز نے مقررہ 20 اوورز میں 5 وکٹوں کے نقصان پر 135 رنز بنائے۔

ایم سی سی نے لاہور قلندرز کو 4 وکٹوں سے شکست دے دی

•مہمان ٹیم کے روی بوپارہ مین آف دی میچ قرار https://t.co/hVOdkgPDPS

— PCB Media (@TheRealPCBMedia) February 14, 2020

فخر زمان 45 اور سہیل اختر 40 رنز بناکر نمایاں رہے، ایم سی سی کی جانب سے روئے لوف نے 2 کھلاڑیوں کو آؤٹ کیا۔

136 رنز کے ہدف کے تعاقب میں ایم سی سی کی جانب سے اننگز کا آغاز مایوس کن رہا اور اوپنر ول روڈز اور مائیکل 13 کے مجموعی سکور پر پویلین لوٹ گئے۔

Marylebone Cricket Club started off their tour of Lahore with a four-wicket win over Lahore Qalandars in a 20-over match at Gaddafi Stadium.

More: https://t.co/oj1Lxaf1bx pic.twitter.com/VF2RLaXuhP

— Pakistan Cricket (@TheRealPCB) February 14, 2020

کپتان کمار سنگاکارا، روی بوپارا اور سمت پٹیل کی ذمہ دارانہ بیٹنگ کی بدولت ایم سی سی نے آخری اوور کی تیسری گیند پر6 وکٹوں کے نقصان پر ہدف حاصل کیا اور یوں 4 وکٹوں سے قلندرز کو شکست دی۔

MCC President and captain @KumarSanga2 spreading smiles at the GSL pic.twitter.com/wKd3VSW99U

— Pakistan Cricket (@TheRealPCB) February 14, 2020

روی بوپارہ 41، سمت پٹیل 31 اور سنگاکارا 25 رنز بناکر نمایاں رہے۔ پاکستان کے محمد فیضان نے 2، عثمان شنواری، معاذ خان، دلبر حسین اور فرزان راجہ نے ایک ایک وکٹ حاصل کی۔

خیال رہے کہ ایم سی سی ٹیم کی قیادت کمار سنگاکارا کر رہے ہیں جو 11 سال بعد پاکستان آئے ہیں جب کہ ‏میری لیبون کرکٹ کلب کی ٹیم 48 سال بعد پاکستان پہنچی ہے۔

Lahore tayyar hai! Look at the awesome crowd of @lahoreqalandars assembling for just a practice match!#HBLPSLV #TayyarHain pic.twitter.com/LhliJmwK4o

— PakistanSuperLeague (@thePSLt20) February 14, 2020

لاہور قلندرز: سہیل اختر (کپتان)، فخر زمان، سلمان بٹ، جاہد علی (وکٹ کیپر)، دلبر حسین، فرزان راجا، محمد فیضان، محمد حفیظ، عثمان شنواری، معاذ خان اور علی ماجد

ایم سی سی: کمار سنگاکارا (کپتان و وکٹ کیپر)، سمت پٹیل، وِ رہوڈز، صَفیان شریف، روس وائٹلے، رولوف وین ڈَر مروے، روی بوپارا، اولیور ہینَن ڈیلبے، مائیکل لیسک، مائیکل برجیس اور فریڈ کلاسِن

ایم سی سی 16 فروری کو پاکستان شاہینز کے خلاف ون ڈے میچ کھیلے گی، 17 فروری کو ناردرن اور 19 فروری کو ملتان سلطانز کے خلاف ٹی ٹوئنٹی میچز کھیلے گی جبکہ یہ تینوں میچز ایچی سن کالج میں کھیلے جائیں گے۔