تازہ ترین
  • بریکنگ :- واشنگٹن:امریکا کےجدید ہائپر سانک میزائل پروگرام کو دھچکا
  • بریکنگ :- واشنگٹن:امریکا کا ہائپر سانک میزائل کا نیاتجربہ ناکام ہوگیا،خبرایجنسی
  • بریکنگ :- چین،روس اور امریکا میں ہائپرسانک میزائل ٹیکنالوجی کی دوڑ جاری ہے

پشاور میں سرگرم ڈکیت گروہ گرفتار، 60 لاکھ روپے سے زائد رقم بھی برآمد

Published On 20 August,2021 03:19 pm

پشاور: (دنیا نیوز) پشاور پولیس نے کارروائی کے دوران شہر میں سرگرم ڈکیت گروہ کو گرفتار کر لیا، ملزمان ملازمت حاصل کرنے بعد مالکان کو لوٹتے تھے، 60 لاکھ روپے سے زائد رقم بھی برآمد کرلی گئی۔

پولیس کے مطابق تھانہ گلبرگ کےعلاقے نوتھیہ میں چند روزقبل مقامی شہری کےگھر میں ڈکیتی کےدوران 75 لاکھ روپے کی خطیر رقم لوٹ لی گئی تھی، پولیس کے مطابق جدید خطوط پر تفتیش کرتے ہوئے تین ملزموں کو گرفتار کیا گیا، گرفتار ملزمان کا تعلق پشاور اور ضلع کرم کے علاقہ پارا چنار سے ہے۔

ملزموں سے 60 لاکھ روپے سے زائد رقم اور واردات میں استعمال ہونے والے مختلف اوزار اور رکشہ برآمد کیا گیا، پولیس نے ملزمان سے مزید تفتیش شروع کردی ہے۔